АНУ-ын агентлагууд хакерууд дэлхий даяар хөргөлтийн системийг онилж байгааг анхааруулжээ

АНУ-ын холбооны агентлагууд хакерууд дэлхий даяар хөргөлтийн системийг онилж байгааг анхааруулж, операторуудыг тоног төхөөрөмжөө хамгаалахыг уриалсан гэж Дифенс Ван сайт мэдээлэв.

Кибер аюулгүй байдлын агентлаг, Холбооны мөрдөх товчоо болон Эрүүл мэнд, Хөдөө аж ахуй, Тээврийн яам хамтарсан сэрэмжлүүлэг гаргажээ. Халдагчид хүнсний дэлгүүр, хүйтэн агуулахын температурын хяналтыг онилж байгаа аж.

Нэкстгов сайтын мэдээлснээр 8 дугаар сарын сүүлээс АНУ-ын цэргийн баазуудын зургаа орчим дэлгүүрт хөлдөөгч эвдэрсэн хэргийн ард Ирантай холбоотой хакерууд байж магадгүй гэж албан тушаалтнууд сэжиглэж байна. Франц, Швед, Бельги, Люксембургт ч ийм халдлага гарчээ.

АНУ-ын мэдэгдэлд хариуцагчийг нэрлээгүй юм.

«Хөргөлт, хяналтын системээс хамааралтай байгууллага бүр өөрийгөө бай болж болзошгүй гэж үзэх ёстой» гэж Кибер аюулгүй байдлын агентлагийн албан тушаалтан Крис Бутера хэлжээ.

Агентлагууд хяналтын системийг нийтийн интернетээс салгах, анхдагч нууц үгийг солих, аюулгүй байдлын шинэчлэлт суулгахыг зөвлөжээ.