Армени Евразийн эдийн засгийн холбоо, ЕХ хоёрын аль нэгийг сонгох ёстой гэж Оросын элчин сайд мэдэгджээ

Армени Евразийн эдийн засгийн холбоо болон Европын холбооны аль нэгийг сонгох шаардлагатай болно гэж Ереван дахь Оросын элчин сайд Сергей Копыркин мэдэгдсэнийг Интерфакс агентлаг мэдээлжээ.

«Орос өөр тийш явж болохгүй гэсэн байр сууриа нэлээд нээлттэй, илэн далангүй хэлж байгаа» гэж Копыркин Арменийн Олон нийтийн радиод өгсөн ярилцлагадаа хэлсэн байна.

Оростой харилцаагаа оролцуулаад Европын холбоо хэдэн жилийн өмнөхөөс тэс өөр болсныг элчин сайд онцолжээ. Элчин сайдын хэлснээр, Евразийн эдийн засгийн холбоонд гишүүнээр үлдэх нь худалдааны эргэлт, ДНБ-ий өсөлтийн хувьд Арменид ашигтай, маш чухал давуу эрх олгодог.

Гэхдээ сонголт Армени, армян ард түмний бүрэн эрхийн асуудал бөгөөд Москва энэ сонголтыг аль болох хурдан хийгээсэй гэж хүсэж байгааг Копыркин нэмж хэлсэн.

Арменийн Ерөнхий сайд Никол Пашинян өмнө нь Ереван Евразийн эдийн засгийн холбооноос гарахгүй ч 2027-2028 онд ЕХ-нд гишүүнээр элсэх өргөдөл гаргана гэж мэдэгдэж байжээ.