Дубайд амьдардаг Энэтхэг иргэн 27 жил оролдсоны эцэст 1 сая ам.доллар хожжээ
Говиндан Найр энэ сугалаанд 1 сая ам.доллар хожсон 286 дахь Энэтхэг иргэн болжээ.
Дубайд амьдардаг Энэтхэг иргэн Говиндан Найр Дубайн татваргүй худалдааны Миллениум Миллионер сугалаанд 1 сая ам.доллар хожжээ гэж Нэшнл сонин мэдээлэв.
Кералагаас гаралтай 62 настай бизнесмэн Бур Дубайд нэхмэлийн үйлдвэр ажиллуулдаг бөгөөд сугалаа 1999 онд эхэлснээс хойш тогтмол оролцож иржээ. Тэрбээр 562 дугаар цувралын 3159 дугаартай тасалбарыг 10 дугаар сарын 20-нд онлайнаар худалдаж авсан байна.
«Би эцэст нь хожсондоо итгэж чадахгүй байна» гэж тэрбээр хэлжээ. Мөнгөө бизнестээ оруулахаар төлөвлөж байгаа аж.
Энэтхэг иргэд тасалбар худалдан авагчдын хамгийн том бүлэг юм.
Мөн 36 настай Иордан иргэн Рами Мохаммед Амер Алхатиб 683 дугаар цувралд БМВ мотоцикл, АНЭУ-д амьдардаг Энэтхэг иргэн Абхилаш Падманабхан 684 дугаар цувралд Харлей-Дэвидсон мотоцикл хожжээ.
Ялагчдыг Дубайн олон улсын нисэх буудалд Дивали баярын арга хэмжээний үеэр зарласан бөгөөд Энэтхэгийн Ерөнхий консул Эммади Вишну Вардхан Редди оролцсон байна.
Дубайн татваргүй худалдаа 1,000 шахам Энэтхэг иргэн ажиллуулдаг бөгөөд Энэтхэг зорчигчид бизнесийн 13-14 хувийг эзэлдэг юм.
