Филиппиний харилцаа холбооны том компанийн аудитор огцорч, дүгнэлтээ буцаан татав

Филиппиний ПЛДТ харилцаа холбооны компанид бараг 24 жил аудит хийсэн Сайсип Горрес Велайо компани огцорч, 2024, 2025 оны санхүүгийн тайлангийн аудитын дүгнэлтээ буцаан татжээ гэж Рапплер сайт мэдээлэв.

Аудитор 10 дугаар сарын 31-нд АНУ-ын зохицуулалтын дагуу бие даасан байхаа больсон гэж дүгнэснээ ПЛДТ-д мэдэгдсэн байна. Энэ нь юунаас болсныг ПЛДТ дурдаагүй аж.

ПЛДТ 8 дугаар сард эрсдэлээс хамгаалах тусгай хэлцлийн нягтлан бодох бүртгэлд алдаа гарсныг хүлээн зөвшөөрсөн юм.

Аудитор 2025 оны 12 дугаар сарын 31-ний байдлаар дотоод хяналтад материаллаг сул тал байсан гэж дүгнэжээ.

ПЛДТ аудитортой санал зөрөлдөөгүй гэж хэлж, засвар цэвэр ашиг, мөнгөн урсгалд материаллаг нөлөө үзүүлэхгүй гэж онцолсон байна.

8 дугаар сарын 14-нд Филиппиний хөрөнгийн бирж компанийн хувьцааны арилжааг нэг цагаар зогсоож, хувьцаа тэр өдөр 4.49 хувиар унасан юм.

ПЛДТ 11 дүгээр сарын 2-ноос Исла Липана компанийг шинэ аудитороор томилсон ч АНУ-ын шаардлагын дагуух олон улсын тайланд аудитор хайсаар байна.