Флоридад осолдсон онгоцны нисгэгч мөсжилтийн тухай ярьж байгаад өндрөө огцом алджээ

Флорида мужид сууцны хороололд унаж есөн хүний амь авсан бизнес онгоцны нисгэгч мөсжилт хянах боломжтой гэж ярьж байгаад удалгүй огцом өндрөө алдаж байгаагаа мэдээлсэн нь бичлэгээс харагджээ гэж Аль Жазира мэдээлжээ.

Лайв Эй Ти Си сайтын хадгалсан бичлэгт сандарсан багийнхан «Бид газарт мөргөх нь» гэж хэлсэн байна. АНУ-ын Тээврийн сайд Шон Даффи онгоцонд байсан бүх хүн амиа алдсаныг баталж, ослыг аймшигт эмгэнэл гэж нэрлэжээ.

Холбооны нисэхийн захиргааны ажилтнууд Тээврийн аюулгүй байдлын үндэсний зөвлөлийн мөрдөн шалгалтад туслахаар газар дээр нь очиж байна.

Цахим ертөнцөд тархсан бичлэгт онгоц огцом өнцгөөр өндөр хурдтай газарт мөргөж, хүчтэй дэлбэрэх мөч харагдаж байгаа бололтой. Онгоц орон сууц, машинуудаас хэдхэн метрийн зайд унасан ч газар дээр хохирогч байхгүй бололтой гэж муж захирагч Рон ДеСантис сэтгүүлчдэд хэлжээ.

Онгоц «пуужин шиг унаж, замын хажууд том нүх үлдээсэн» гэж ДеСантис ярьжээ.

Лирджет 60 загварын хувийн онгоц Техасын Остинаас Багамын арлууд руу нисэж явсан бөгөөд дотор нь хэн байсныг нисэх буудал тодруулаагүй байна.