Их Британи асаргааны ажилчдын байнгын оршин суух нөхцөлийг зөөлрүүлжээ

Их Британид 2025 оны тавдугаар сараас өмнө ирсэн, жилд дор хаяж 25 000 фунт цалинтай асаргааны гадаад ажилчид таван жилийн дараа байнгын оршин суух эрх авах болсныг Дэ Хинду мэдээлжээ.

Жилд 50 271 фунтаас дээш орлоготой хүмүүс, эмч, сувилагч, багш нар ч таван жилд хүсэлт гаргаж болно. Бусад бага орлоготнууд 15 жилийн оронд 10 жилд эрх авах боломжтой болжээ.

Дотоод хэргийн сайд Шабана Махмуд ажилчдаа мөлжсөн 1800 орчим ажил олгогчийн тусгай зөвшөөрлийг хүчингүй болгосныг мэдэгдэв.

Зөөлрүүлэлт нь Лейборист намын зүүн жигүүр, эрүүл мэндийн үйлдвэрчний эвлэлүүдийн шахалт, олон нийтийн хэлэлцүүлгийн хариу гэж сонин бичжээ. «10 тэрбум фунт. Өнөөдрийн буцсан шийдвэрийн үнэ энэ» гэж сөрөг хүчний Крис Филп парламентад хэлсэн байна.