Индонезийн цагдаа Орост хөлсний цэрэг татсан хэрэгт арван гурван сэжигтэн тогтоожээ
Цагдаагийн мэдээлснээр 58 иргэнийг логистикийн ажил амлан хуурч элсүүлсэн байна.
Индонезийн эрх баригчид 58 иргэнийг Орост хөлсний цэрэг болгохоор элсүүлсэн гэх хүний наймааны сүлжээг илрүүлсэн гэж Си Эн Эй сайт мэдээлжээ.
Хоёр орос, нэг украин иргэн зэрэг арван гурван хүнийг сэжигтнээр тогтоосон байна. Тэд цахим сүлжээ, ажлын зарын сайтаар хохирогчдыг татсан гэж цагдаа мэдэгджээ.
Хохирогчдод логистик, хил хамгаалал, батлан хамгаалах барилгын ажил санал болгосон ч Орост очсоны дараа хөлсний цэргийн гэрээнд гарын үсэг зурахыг шаардсан гэнэ.
Тэдэнд гучин таван мянган доллар хүртэлх урамшуулал, сарын гурван мянга орчим долларын цалин амласан байна. «Эдгээр амлалтын алийг нь ч биелүүлээгүй» гэж цагдаагийн захирал Рита Вуландари Вибово хэлжээ.
Цагдаа таван гомдлын дагуу хэргийг шалгаж, Гадаад хэргийн яамтай хамтран ажиллаж байгаа юм.
