Испанийн өндөр хурдны галт тэрэгний ослын хохирогчдын дунд хоёр австрали иргэн байжээ

Өнгөрсөн долоо хоногт Испанид болсон өндөр хурдны галт тэрэгний мөргөлдөөнд амиа алдсан 69 хүний дунд хоёр австрали иргэн байгааг эрх баригчид баталжээ гэж Гардиан сонин мэдээлэв.

Тусгай байгууллага Даваа гарагийн орой сүүлийн гурван хохирогч болох хоёр австрали, нэг япон иргэнийг тодорхойлсон байна. Нэрийг нь зарлаагүй аж.

«Энэ хүнд үед гэр бүлүүдэд нь гүн эмгэнэл илэрхийлж байна» гэж Австралийн Гадаад хэрэг, худалдааны яам мэдэгдсэн байна.

Хохирогчдын 54 нь Испанийн, 15 нь гадаадын иргэн юм. Гадаадын хохирогчдын дунд Америкийн дөрөв, Австралийн хоёр, Японы хоёр иргэн байна.

Осол Мадридаас өмнө зүгт 130 км орчимд орших Урда тосгоны ойролцоо Ренфе компанийн галт тэрэг Ирио компанийн зогсож байсан галт тэргийг ардаас мөргөснөөс болсон юм.

Автомат аюулгүй ажиллагааны систем доголдож 63 км замын бүх галт тэргийг зогсоосон ч удирдлагын төв Ренфегийн галт тэргийг явахыг зөвшөөрсөн аж. Энэ онд 1 дүгээр сард Андалусид болсон өөр мөргөлдөөнд 46 хүн амиа алдсан байв.