Хамгийн урт гал зогсоолтын дараа Херсон мужид тулаан сэргэжээ

Зургаан өдрийн гал зогсоолтын дараа Украины Херсон мужид тулаан дахин эхэлснийг Би Би Си мэдээлжээ.

Орос даваа гарагт Херсон хотын төв дэх эмнэлгийн байгууламжид цохилт өгч, дрон машин руу халдан 62 настай эмэгтэй, 73 настай эрийг шархдуулсан гэж орон нутгийн удирдлагууд мэдэгджээ. Орос завсарлагааг цэргээ сольж, байрлалаа бэхжүүлэхэд ашигласан гэж Украины Жанжин штаб буруутгасан байна.

«Украины арми ч энэ хугацааг дахин бүрдүүлэхэд ашигласан гэж үзэх нь зүйн хэрэг» гэж Кремлийн төлөөлөгч Дмитрий Песков хэлжээ.

Песков Олешкийг онцгой тохиолдол гэж нэрлэж, ижил төстэй төлөвлөгөө байхгүй гэдгийг даваа гарагт дахин баталжээ.

Гал зогсоолтын үеэр хэдэн зуун хүн нүүлгэн шилжүүлэгдсэн юм. Оросын комиссар Яна Лантратовагийн хэлснээр үлдсэн хэдэн зуун оршин суугчдад сар бүр тусламж хүргэх юм.