Хятад, АНУ-ын хиймэл оюуны хөрөнгө оруулалтын зөрүү тооноос бага гэж судлаачид үзэв

Хиймэл оюуны хөрөнгө оруулалтаар Хятад, АНУ-ын өрсөлдөөн харагдаж байгаагаас илүү ойрхон гэж Хятадын судалгааны байгууллагын тайланд дурджээ. Энэ тухай Кореа Таймс сонин мэдээлэв.

Томоохон технологийн компаниудын хөрөнгийн зардлаар тооцвол Хятад энэ жил АНУ-ын наймны нэгтэй тэнцэх мөнгө зарцуулах аж.

Хятадын Санхүүгийн 40 форумтай холбоотой багийн тооцоогоор Хятадын дотоодын нийт зардал 220 тэрбум ам.долларт хүрэх юм. Үүний 160 тэрбум ам.доллар нь хөрөнгийн зардал, 60 тэрбум ам.доллар нь загвар сургах, ажиллуулах зардал юм.

АНУ-ын зардал 840 тэрбум ам.долларт хүрэх тул Хятадынх түүний дөрөвний нэг орчим болно.

«Хятад, АНУ-ын хиймэл оюуны хөрөнгө оруулалтын зөрүү бодитой, гэхдээ үүнийг томоохон технологийн компаниудын хөрөнгийн зардлаар л хэмжиж болохгүй» гэж тайланд бичсэн байна.

Эдийн засгийн өсөлтөд оруулах хувь нэмрээр зөрүү хамаагүй их аж. АНУ-ын томоохон үүлэн үйлчилгээ үзүүлэгчдийн хөрөнгө оруулалт энэ жил ДНБ-ий өсөлтөд бараг 1.3 нэгж хувь нэмэх бол Хятадын компаниудын зардлын өсөлт 0.4 нэгж хувиас бага нэмнэ.

Хятад хиймэл оюуныг бүтээмжтэй ашиглаж чадахгүй байна гэсэн яриа цахим сүлжээнд тарсны дараа Жэньминь Жибао сонин өнгөрсөн сард олон нийтийг тус улсын хиймэл оюуны чиглэлд илүү итгэлтэй байхыг уриалсан юм.