Хятад сар руу хүн илгээх нарийвчилсан төлөвлөгөөгөө дэлгэжээ
Хоёр сансрын нисгэгч гадаргуу дээр буугаад хөдөлгөөнт машинаар судалгаа хийх төлөвтэй байна.
ECNS1 мин унших
ECNSХятадын хүнтэй сарны анхны нислэгт Урт марш 10 хоёр пуужин Вэньчан сансрын төвөөс хөөрч, төхөөрөмжүүдийг сарны тойрог замд гаргах юм гэж төслийн ахлах зураглаач Ван Сяныг иш татан И Си Эн Эс сайт мэдээлжээ.
Ланьюэ буух төхөөрөмж, Мэнчжоу сансрын хөлөг тойрог замд залгагдсаны дараа хоёр нисгэгч буух төхөөрөмжид орж, гадаргуу дээр зөөлөн буух аж. Гурав дахь нисгэгч хөлөг дотроо үлдэнэ.
Сарны гадаргуу дээр нисгэгчид Таньсуо машинаар шинжлэх ухааны ажил хийж, дээж цуглуулах юм.
Дараа нь тэд Ланьюэ төхөөрөмжөөр хөлөгтөө буцаж, дээжээ шилжүүлээд Дэлхий рүү буцах төлөвтэй байна.
«Сарны гадаргуу дээр хийх бүх зүйлийг эхлээд Дэлхийн ойрын тойрог замд туршина» гэж Ван хэлжээ.
Ван эдгээр нарийвчилсан мэдээллийг Бээжинд болсон 7 дахь удаагийн хүнтэй сансрын симпозиумд танилцуулсан юм.
