Ли Жэ Мён кибер аюулгүй байдлын тусгай алба байгуулах асуудлыг судлахыг даалгажээ

Өмнөд Солонгосын Ерөнхийлөгч Ли Жэ Мён хакердалт нэмэгдэж байгаатай холбогдуулан кибер аюулгүй байдлын тусгай алба байгуулах асуудлыг судлахыг Засгийн газрын хуралдаан дээр даалгасан гэж Ёнхап агентлаг мэдээлжээ.

Энэ нь Мирэ Ассет, Битхумб, Дайшин Секьюритис зэрэг компаниудын мэдээлэл задарсны дараа гарчээ. Хиймэл оюун ухаанаар хөгжсөн хакердалт одоогийн тогтолцооны хязгаарыг ил болгож байна гэж Ли хэлсэн байна.

Тэрбээр мэдээлэл холбоо, эрчим хүч, санхүү зэрэг гол дэд бүтцийн сул талыг бүрэн засахыг мөн үүрэгдүүлжээ.

Ли өсвөр насныхны цахим сүлжээний хэрэглээг хязгаарлах хэлэлцүүлгийг түргэсгэхийг ч хүссэн байна. «Хор уршиг нь бидний бодсоноос их бололтой» гэж тэрбээр хэлжээ.

Хэвлэл мэдээлэл, харилцаа холбооны хорооны дарга Ким Жон Чол олон нийтийн саналыг авч, төлөвлөгөөг ирэх оны эхний хагаст эцэслэхээр ажиллаж байгаа юм.