Лондонгийн цагдаа АНУ-ын Элчин сайдын яамны өмнөх жагсаалд 139 хүнийг баривчилжээ

Лондонгийн цагдаа бямба гарагт АНУ-ын Элчин сайдын яамны өмнө Их Британид хориотой, террорист гэж зарласан Палестин Экшн бүлгийг дэмжин жагссан 139 хүнийг баривчилсан гэж Хиндустан Таймс сонин мэдээлжээ.

Нийслэлийн цагдаагийн мэдээлснээр баривчлагдсан хүмүүсийн ихэнхийг хориотой байгууллагыг дэмжсэн гэх сэжгээр баривчилжээ. Жагсагчдын олонх нь тэтгэвэрт гарсан хүмүүс байсан аж.

Жагсаалыг зохион байгуулсан бүлгийн мэдээллээр 2025 оны долоодугаар сараас хойш хоригийг эсэргүүцсэн 4,000 гаруй хүнийг баривчилсан байна. Бүлэгт гишүүнээр элсэх, дэмжих нь 14 хүртэлх жилийн хорих ялтай гэмт хэрэг юм.

2020 онд байгуулагдсан Палестин Экшн бүлэг зорилгоо Лондонгийн Израильд үзүүлэх цэргийн дэмжлэгийг зогсоох гэж тодорхойлдог. Бүлгийн идэвхтнүүд 2025 оны зургаадугаар сард Хааны Агаарын цэргийн хүчний баазад нэвтэрч, хоёр түлш цэнэглэгч онгоцны хөдөлгүүрт улаан будаг цацаж байжээ.

Бүлгийн статусын талаарх гомдлыг Дээд шүүх арваннэгдүгээр сарын 4-нд хэлэлцэх юм.

Бүлгийг дэмжигчид хориг нь үг хэлэх эрх чөлөөг зөрчиж байна гэж үзэж байгаа бол засгийн газар шийдвэрээ хамгаалсаар байна.