Мягмар гарагийн сонгууль Трампын сүүлийн хоёр жилийг тодорхойлно

Мягмар гарагийн завсрын сонгуулийн дүн Ерөнхийлөгч Дональд Трампын бүрэн эрхийн сүүлийн хоёр жилийг тодорхойлно гэж Вашингтон Экзаминер сонин мэдээлэв.

Цагаан ордны ойрын хүмүүс Трампыг ердийн утгаар хүч чадлаа алдсан ерөнхийлөгч болохгүй гэж үзэж байна. Цагаан ордны хэвлэлийн төлөөлөгч Дэвис Инглл түүнийг намын маргаангүй удирдагч гэж нэрлэжээ.

«Хүмүүс Трампын эвсэл ямар байсныг тодорхойлж, түүнээс нэг хэсгийг өөртөө авахыг оролдоно» гэж Бүгд найрамдах намын стратегич Мэтт Доул хэлжээ.

Шинэ Конгресс 1 дүгээр сарын 3-нд тангараг өргөхөөс өмнө Трамп, Бүгд найрамдах нам зөвшөөрлийн шинэчлэл, нэгдсэн хуулийн төсөл дээр ажиллаж болзошгүй гэж нэрээ нууцалсан стратегич хэлсэн байна.

Трамп Нью-Йорк Пост сонинд өгсөн ярилцлагадаа шаардлагатай бол өөртөө, гэр бүлдээ, туслахууддаа урьдчилан уучлал олгоход бэлэн гэдгээ давтжээ. «Шаардлагатай бол тэгнэ» гэж тэрбээр хэлсэн байна.

Тэрбээр Ардчилсан намын Конгресстой харьцахдаа эхлээд хууль тогтоомжид хориг тавьж, дараа нь тохиролцоо хийнэ гэж хэлжээ.

Бүгд найрамдах намын ерөнхийлөгчид Харри Трумэнээс хойш завсрын сонгуульд дунджаар 23 суудал алдсан юм. Сонгуулийн өмнө Ардчилсан нам ерөнхий судалгаанд дунджаар 9 нэгжээр тэргүүлж байна.