Өмнөд Солонгос, Африкийн холбоо хамтын ажиллагааны сангаа хэлэлцэв

Өмнөд Солонгос, Африкийн холбоо хамтын ажиллагааны сангийн удирдлага, харилцаагаа өргөжүүлэх асуудлыг Аддис-Абебад хэлэлцжээ гэж Кореа Таймс сонин мэдээлэв.

Мягмар гарагт болсон бодлогын зөвлөлдөх уулзалтын долоо дахь шатыг Солонгосын Гадаад хэргийн яамны газрын дарга Чон Кван Ён, холбооны Байнгын төлөөлөгчдийн хорооны дарга Вилли Ньямитве тэргүүлсэн байна.

Талууд худалдаа, хөрөнгө оруулалт, эрүүл мэнд, залуус, эмэгтэйчүүд, уур амьсгал, энх тайвны салбарт хамтран ажиллах арга замыг ярилцжээ.

Солонгос Африк дахь төслүүдээ танилцуулж, өндөр түвшний солилцоог нэмэхийг санал болгов. Холбоо харилцан ашигтай хамтын ажиллагааг дэмжихээ амласан юм.

Африкийн холбоо 2002 онд байгуулагдсан бөгөөд 54 гишүүнтэй.