Өмнөд Солонгосын Хамтарсан штабын дарга мина дэлбэрэлтэд шархадсан цэргүүдийг эргэв

Өмнөд Солонгосын Зэвсэгт хүчний хамтарсан штабын дарга, генерал Жин Ён Сон Цэргийн бус бүсэд мина дэлбэрэхэд шархадсан цэргүүдийг Мягмар гарагт эргэж, сэтгэлээ илэрхийлжээ. Энэ тухай Ёнхап агентлаг мэдээлэв.

Тэрбээр 9 дүгээр сарын 21-ний дэлбэрэлтэд шархадсан цэргүүд, тэдний гэр бүлийнхэнтэй Сонгнам дахь цэргийн эмнэлэгт уулзаж, эдгэрэлтдээ анхаарлаа төвлөрүүлэх боломж хангахаа амласан байна.

Улс орныхоо төлөө гаргасан золиосыг нь хэзээ ч мартахгүй гэж генерал хэлжээ.

Өмнөд Солонгосын цэрэг өнгөрсөн сард дэлбэрэлтийг Пхеньян Цэргийн хиллэлийн шугамаас өмнө зүгт зориуд тавьсан явган цэргийн эсрэг минанаас болсон гэж дүгнэсэн юм. Дэлбэрэлтэд гурван цэрэг шархдаж, хоёр нь хүнд гэмтсэн байна.

Жин Ён Сон мөн Сөүлээс зүүн өмнө зүгт 50 км-т орших Ичон дахь Армийн агаарын командлалд очиж, дэлбэрэлтийн үед ажилласан эмнэлгийн нисдэг тэрэгний бэлэн байдлыг шалгажээ.

Тэрбээр цэргүүдэд фронтын болон алслагдсан бүс нутагт яаралтай хариу арга хэмжээнд бэлэн байхыг, мөн ой хээрийн түймрээс эрт урьдчилан сэргийлэхийг үүрэг болгосон байна.