Өмнөд Солонгосын Ерөнхий сайд үнийн хуйвалдааныг устгахаа амлав

Өмнөд Солонгосын Ерөнхий сайд Хан Сон Сук Лхагва гарагт үнийн хуйвалдааныг үндсээр нь устгахаа амлажээ гэж Ёнхап агентлаг мэдээлэв.

«Бид ард түмний хоолны ширээг үнийн хуйвалдаанаас хатуу хамгаална» гэж тэрбээр Икс сүлжээнд бичсэн байна.

Засгийн газар энэ онд элсэн чихэр, өндөг, гурил, цардуулын чихрийн үнийг тохирсон компаниудад 1.8 их наяд воноос (1.3 тэрбум ам.доллар) илүү торгууль ногдуулсан аж. Үүний дараа эдгээр бүтээгдэхүүний үнэ 26.5 хувь хүртэл буурчээ.

Хуйвалдаанаас ашиг олох боломжгүй болгохын тулд эдийн засгийн хориг арга хэмжээг чангатгах юм.