Орос шөнөдөө 856 дрон устгасан гэж мэдэгдэж, Ярославлийн нефть боловсруулах үйлдвэр гэмтжээ

Орос 16 бүс нутаг, Хар тэнгис дээгүүр шөнөдөө 856 украин дрон устгасан гэж Батлан хамгаалах яам мэдэгдсэнийг Ведомости сонин мэдээлжээ.

Москвагийн дарга Сергей Собянин нийслэл, мужийн зүг 493 дрон ниссэн гэж мэдэгдсэн байна. Тэдний ихэнхийг алсад устгаж, 187-г ойртох үед сөнөөсөн гэж тэрбээр хэлжээ.

Ярославль дахь нефть боловсруулах үйлдвэрийн дэд бүтэц гэмтэж, хоёр ажилтан хэлтэрхийд шархдан эмнэлэгт хүргэгджээ.

Унасан дроны хэлтэрхий орон сууц, хувийн байшингийн цонхыг хагалж, машин гэмтээсэн байна. Ярославльд нийт 124 дрон сөрсөн гэж мэдээлжээ.

Росавиаци шөнөдөө Москвагийн дөрвөн нисэх буудал болон бусад хотын буудлын ажиллагааг хязгаарласан ч ихэнх нь одоо хэвийн ажиллаж байгаа юм.