Орост хорт хавдраар өвчлөх дундаж нас 65 орчим байгааг ахлах онкологич мэдэгдэв

Орост хорт хавдраар өвчлөх дундаж нас 65 орчим байгаа бөгөөд өвчнийг эрт үе шатанд нь илрүүлэх нь ихсэж байгааг Эрүүл мэндийн яамны ахлах онкологич, академич Андрей Каприн хэлсэн гэж РИА Новости мэдээлжээ.

Эрт үе шатанд идэвхтэй илрүүлэх болсон, өвчлөл ч өсөж байгааг Каприн хүлээн зөвшөөрчээ. «Гэхдээ хавдар залуужиж байна гэж би хэлэхгүй. Хамгийн их медиан нь 65 нас хэвээр» гэж тэрбээр онцолсон байна.

Хүн хөгшрөх тусам хавдар тусах эрсдэл нэмэгддэг гэж академич тайлбарлажээ.

Сайн оношилгооны ачаар урьд нь 5-7 жилийн дараа л илэрч болох далд хавдрыг одоо олж илрүүлдэг болжээ.

Меланомыг эмчлэхэд хавдрын эсрэг вакциныг хэдийнэ хэрэглэж байгаа юм. Бусад төрлийн хавдрын эмийг мөн боловсруулж, ноцтой шинжилгээ судалгаа хийж байна.