Оросын цагдаа Вася Грек хакерын бүлгийн үйл ажиллагааг таслан зогсоожээ

Орос, гадаадын компаниудад чиглэсэн фишинг халдлага хийж байсан Вася Грек хакерын бүлгийн үйл ажиллагааг Оросын Дотоод хэргийн яам таслан зогсоосныг тус яамны төлөөлөгч Ирина Волк мэдэгдсэн гэж Ведомости мэдээлжээ.

Волкийн хэлснээр зохион байгуулагч гэж сэжиглэгдэж буй этгээд гэрийн хорионд, түүний хоёр хамсаатан хотоос гарахгүй баталгаа өгсөн байна.

Халдлагад санхүү, нягтлан бодох бүртгэлийн үйлчилгээний сайтыг дуурайсан домэйн, гадаадын виртуал сервер ашиглаж байжээ.

Цагдаа нар гишүүдийн хэн болохыг тогтоож, орон гэр, оффист нь нэгжлэг хийж, компьютер, холбооны хэрэгсэл хураажээ. Москвагийн Төв дүүргийн мөрдөн байцаах хэлтэс хулгай, хортой программ бүтээж тараасан хэргээр эрүүгийн хэрэг үүсгэсэн байна.