Путин олон улсын хөгжлийн институтуудыг шинэчлэх шаардлагатай гэж мэдэгдэв

Африк Олон улсын валютын сан, Дэлхийн банк зэрэг олон улсын хөгжлийн институтуудын удирдлага, шийдвэр гаргалтад илүү их үүрэг гүйцэтгэх ёстой бөгөөд эдгээр байгууллагыг шинэчлэх цаг болсон гэж ОХУ-ын Ерөнхийлөгч Владимир Путин Орос-Африкийн форумын нэгдсэн хуралдаанд мэдэгджээ. Энэ тухай Интерфакс агентлаг мэдээлэв.

«Манай улс олон талт хөгжлийн институтууд, юуны өмнө Олон улсын валютын сан, Дэлхийн банкны удирдлага, гол шийдвэр гаргалтад Африкийн үүргийг нэмэгдүүлэхийг тууштай дэмжиж ирсэн. Эдгээр байгууллагыг шинэчилж, яг хөгжиж буй эдийн засгийн хэрэгцээнд чиглүүлэх асуудал боловсорсон» гэж Путин хэлэв.

Түүний хэлснээр, Африкт нөөц баялгаа өөрийн үзэмжээр захиран зарцуулах, яаралтай хэрэгцээнд чиглүүлэх, эрчим хүч, аж үйлдвэр, тээвэр, логистикт томоохон хөрөнгө, урт хугацааны хөрөнгө оруулалт хуримтлуулах боломж олгох шийдэл хэрэгтэй. Энэ нь колоничлолын өвийн гинжийг бүрмөсөн тайлж, Африкийн орнуудын улс төр, нийгэм, эдийн засгийн тогтвортой байдал, жинхэнэ үндэсний бүрэн эрхт байдлыг хангахад туслах юм.

Түүний хэлснээр, Орос технологийн бүрэн эрхт байдлаа бэхжүүлэх замаар аль хэдийн явж, зарим чиглэлээр гайхалтай үр дүнд хүрсэн юм.