Самсунг Электроникс гуравдугаар улиралд дэлхийн динамик санах ойн зах зээлд тэргүүлсээр байна

Өмнөд Солонгосын Самсунг Электроникс компани 7-9 дүгээр сард дэлхийн ДРАМ санах ойн зах зээлд борлуулалтаар тэргүүлсэн гэж Ёнхап агентлаг мэдээлэв.

Каунтерпойнт Ресерч судалгааны компанийн мэдээгээр Самсунгийн эзлэх хувь 38 болж, гурван сарын өмнөх 39 хувиас бага зэрэг буурчээ.

Эс Кэй Хайникс эзлэх хувиа өмнөх улирлаас 3 пунктээр нэмж 29 хувьд хүргэсэн байна.

АНУ-ын Майкрон Текнолоджи 21 хувиар гуравт, Хятадын Чансин Мемори Текнолоджис 9 хувиар дөрөвт жагсжээ.

Солонгосын үйлдвэрлэгчид дөрөвдүгээр улирлаас дээд зэрэглэлийн дөрөв дэх үеийн өндөр зурвасын санах ой нийлүүлж эхлэхэд хятад компанийн хувь цаашид буурч магадгүй гэж судалгааны компани тооцоолжээ.