Сэжун их сургуулийн судлаачид жижиглэн хөрөнгө оруулагчдын анхаарал хувьцааны өгөөжийг бууруулдгийг тогтоожээ

Өмнөд Солонгосын Сэжун их сургуулийн судалгааны баг жижиглэн хөрөнгө оруулагчдын анхаарлыг их татсан хувьцаа дараагийн үеүдэд бага өгөөж өгөх хандлагатайг тогтоосон гэж «Кориа Таймс» сонин мэдээлжээ.

Их сургуулийн мэдээлснээр судалгааны үр дүнг өнгөрсөн сард олон улсын санхүүгийн зах зээлийн нэр хүндтэй сэтгүүлд нийтэлсэн байна. Багийг бизнес, эдийн засгийн коллежийн профессор Ли Ын Ми ахалж, докторант Ян Пужянь, Ян Лю нар оролцжээ.

Судлаачид Хятадын А зэрэглэлийн хувьцааны зах зээлийн 2012–2024 оны мэдээлэлд дүн шинжилгээ хийж, хөрөнгө оруулагчдын анхаарлыг Хятадын тэргүүлэх хайлтын систем Байдугийн хайлтын хэмжээний индексээр хэмжжээ.

Дүн шинжилгээгээр хөрөнгө оруулагчдын анхаарлыг их татсан хувьцаа дараагийн нэгээс 12 сарын хугацаанд харьцангуй бага өгөөж өгдөг нь тогтоогдсон байна.

Хувь хүмүүсийн анхаарал нэмэгдэх нь худалдан авах дарамтыг хүчтэй болгодог бол байгууллагын хөрөнгө оруулагчид эсрэг чиглэлд арилжаа хийж, үнийн тэнцвэргүй байдлыг засахад тусалдаг.

Гэвч анхаарал хэт өндөр болоход байгууллагын хөрөнгө оруулагчдын арбитражийн үйл ажиллагаа суларч, шугаман бус хамаарал үүсдэг болохыг судалгаа харуулжээ.

Ли Ын Мигийн судалгааны баг энэ онд олон улсын эрдэм шинжилгээний сэтгүүлд хоёр өгүүлэл нийтлээд байгаа юм.