Швейцарь Пэтриот зенитийн пуужингийн системийн эхний эд ангийг 2027 онд хүлээн авна

Швейцарь Америкийн Пэтриот зенитийн пуужингийн системийн эхний эд ангийг 2027 оны дундуур хүлээн авна гэж тус улсын Батлан хамгаалах яам АНУ-аас мэдэгдэл авснаа мэдээлжээ. Энэ тухай РИА Новости агентлаг мэдээлэв.

Эхний нийлүүлэлтэд радиолокацийн станц, хөөргөх төхөөрөмж, холбогдох тоног төхөөрөмжөөс бүрдэх галын нэгж багтах бөгөөд мэдээлэл дамжуулах системд нэгтгэх ажил, анхан шатны сургалтад зориулагдсан аж.

“Үүнээс гадна Ойрхи болон Дундад Дорнодын дайныг харгалзан нийлүүлэлтийн хугацаа таваас долоон жил хүртэл сунжирна гэж хүлээх ёстой” гэж яамнаас мэдэгджээ.

Швейцарийн Батлан хамгаалах яам Пэтриот системийг АНУ-ын засгийн газраар дамжуулахгүйгээр үйлдвэрлэгчээс шууд худалдан авах зөвшөөрлийг Америкийн засгийн газраас авсан ч энэ нөхцөлийг АНУ-ын Конгресс батлах шаардлагатай.

Яамны сануулснаар, 2025 оны долдугаар сард АНУ-ын засгийн газар Украинд нийлүүлэхийг тэргүүн ээлжинд тавьснаар Швейцарьт нийлүүлэх хугацаа хойшилжээ.