Тайландын Чиангмайд дэнлүүний баярт жуулчид олноор ирэх төлөвтэй байна

Тайландын Чиангмай хотод 11 дүгээр сарын 24-нд болох дэнлүүний баярт 190 мянгаас 200 мянган жуулчин ирэх төлөвтэй байна гэж Бангкок Пост сонин мэдээлэв.

Тайландын аялал жуулчлалын газрын Чиангмай дахь салбарын захирал Кенг Чайварины хэлснээр, зочид буудлын дүүргэлт 95 хувьд ойртож, орлого 2-2.5 тэрбум бат хүрэх аж.

Жуулчдын 60 орчим хувь нь дотоодын, 40 хувь нь Хятад, Тайвань, Япон зэрэг ойрын зах зээлийнх байх юм.

Тасалбарын үнэ 1,900 батаас 15,000 бат хүртэл хэлбэлздэг байна.

Дэнлүү хөөргөхөд агаарын зайг чөлөөлөхийн тулд 108 нислэгийг цуцалж, 105 нислэг нэмэх юм. Зохион байгуулагчид дэнлүүний хог хаягдлыг цуглуулах арга хэмжээ авах үүрэгтэй.

9 дүгээр сар гэхэд Чиангмайд 8.6 сая жуулчин иржээ. Баярын тусламжтайгаар жилийн тоо өнгөрсөн оныхтой ижил 11-12 сая хүрнэ гэж муж хүлээж байна.