Ташкентын зарим их сургууль оюутнуудад аюулгүй байдлын аппликейшн суулгахыг шаардаж байна

Ташкентын зарим их сургууль оюутнуудаас Хавфсиз Талаба хэмээх аюулгүй байдлын аппликейшн суулгахыг шаардаж байна гэж Газета.уз сайт мэдээлэв.

Аппликейшнд хувийн мэдээлэл, төлбөрийн мэдээлэл, сэрэмжлүүлгийн товч багтдаг бөгөөд сургууль, дотуур байранд нэвтрэх түлхүүрийн үүрэг гүйцэтгэдэг аж. Эцэг эхчүүд хүүхдийнхээ дотуур байранд орж гарсан цагийг харах боломжтой байна.

«Оюутан хичээлдээ байна уу, гудамжинд уу, дотуур байранд уу гэдгийг яг тодорхой мэдэх боломж гарна» гэж Узбекистаны Дэлхийн хэлний их сургуулийн ректор Илхомжон Тухтасинов хэлжээ.

Сайтын сурвалжлагч тус их сургуулийн нэг байрны үүдэнд оюутнуудын утсыг шалгаж, зөвхөн дараа нь оруулж байхыг харсан байна.

Их сургуулийн тэргүүн дэд захирал суулгах нь заавал биш гэж хариулжээ. Боловсролын яамны албан тушаалтан албадах нь буруу гэж үзэж байна. Ерөнхий прокурорын газар албадах даалгавар өгөөгүй гэж мэдэгдсэн юм.

Платформыг ерөнхийлөгчид 9 дүгээр сарын 11-нд танилцуулж, эхлээд Ташкентын бүх их сургуульд, дараа нь улс даяар нэвтрүүлэх даалгавар өгсөн аж. 11 дүгээр сарын 5 гэхэд аппликейшнийг 50 мянга гаруй удаа татаж авчээ.