Украины парламентын гишүүн Путин, Трамп, Ши Жиньпиний уулзалтад Украин оролцох ёстой гэв

РИА Новости агентлагийн мэдээлснээр, Украины Дээд радын гадаад бодлого, парламент хоорондын хамтын ажиллагааны асуудлаарх хорооны дарга Александр Мережко Франс Твенти Фор телевизэд ярихдаа Владимир Путин, Дональд Трамп, Ши Жиньпиний гурван талт уулзалт болох юм бол Украин оролцох ёстой гэж мэдэгдэв. Түүний хэлснээр, Орос, АНУ, Хятадын удирдагчдын ийм уулзалт Киевийн хувьд туйлын аюултай байх юм.

“Украин болон бидний Европын түншүүд оролцох нь тэнд Украиныг бууж өгөхийг албадах шийдвэр гаргахгүй гэдгийг баталгаажуулна” гэж Мережко хэлэв.

Үүнээс өмнө ОХУ-ын Ерөнхийлөгчийн туслах Юрий Ушаков Хятадын Шэньчжэнь хотод болох АПЕК-ийн дээд хэмжээний уулзалтын үеэр Путин, Трамп, Ши нарын уулзалтыг зохион байгуулах, бэлтгэх ажил аль хэдийн эхэлсэн гэж мэдэгдсэн байна.

Трамп ийм уулзалт юуны түрүүнд Украины мөргөлдөөний талаар ярилцахын тулд бус, цөмийн зэвсэг хураах асуудлыг хэлэлцэхэд хэрэгтэй гэж онцолж байжээ.