Японы Жи Эм Оу компанийн халдагч хохирогчдын мэдээлэл солилцох сайт нээсэн байж магадгүй

Японы Жи Эм Оу Интернэт Групп компанид кибер халдлага үйлдсэн этгээд хохирогчид мэдээлэл солилцох зориулалттай цахим хуудсыг өөрөө нээсэн байж магадгүй гэж аюулгүй байдлын шинжээчид дүгнэсэн тухай Кёдо агентлаг мэдээлжээ.

Шинжээчдийн дүн шинжилгээгээр уг хуудас болон халдагчийн хариуцлагаа хүлээж мэдэгдсэн өөр нэг хуудасны бүтэц, эх кодын зарим хэсэг хоорондоо төстэй байна.

Хуудсыг компани халдлагын талаар зарлахаас хоёр хоногийн өмнө буюу аравдугаар сарын 19-нд бүртгүүлсэн бөгөөд аравдугаар сарын 22-ны байдлаар ажиллаж байжээ.

Хоёр хуудас «бараг ижил» гэж шинжээчдийн нэг нь хэлсэн байна.

Компани өнгөрсөн долоо хоногт гадаад валютын арилжааны үйлчилгээний хэрэглэгчдийн мэдээлэл зөвшөөрөлгүйгээр алдагдаж, залилангийн гүйлгээнд ашиглагдсныг баталжээ.

Халдагч хэрэглэгчдийн мэдээллийг ил болгож, золиослох халдлага хийнэ гэж сүрдүүлсэн бөгөөд компани хариу өгөөгүй тул мягмар гарагт хэрэглэгчдийн зарим мэдээлэл ил болсон юм.