АНЭУ Орос-Украины хэлэлцээ эерэг ахиц гаргана гэж найдаж байна

Абу Дабид АНУ-ын зуучлалаар болж буй Орос, Украины хэлэлцээ эерэг ахиц гаргана гэж Арабын Нэгдсэн Эмират Улс найдаж байгааг Ерөнхийлөгч шейх Мохамедын дипломат зөвлөх доктор Анвар Гаргаш мэдэгджээ. Энэ тухай Зэ Нэшнл сонин мэдээлэв.

Москва, Киевийн баталснаар, хэлэлцээ Лхагва гарагт хоёр дахь буюу сүүлийн өдрөө үргэлжилжээ. Мягмар гарагт Орос, Украин, АНУ 2 дугаар сараас хойш анх удаа Абу Дабид хэлэлцээ хийж, хоригдлуудыг суллах, ирээдүйн аюулгүй байдлын баталгааг голлон хэлэлцсэн байна.

“Эдгээр хэлэлцээ эерэг ахиц гаргаж, удаан үргэлжилсэн дайн, гүн хямралыг зогсоох нөхцөлийг бүрдүүлнэ гэж бид найдаж байна” гэж Гаргаш X сүлжээнд бичжээ. Гадаад хэргийн сайд шейх Абдулла бин Зайед ч хоёр өдрийн хэлэлцээ дайныг зогсооход чиглэсэн бодит алхам авчирна гэж найдаж байгаагаа илэрхийлжээ.

АНУ-ын төлөөлөгчдийг Ерөнхийлөгч Дональд Трампын хүргэн Жаред Кушнер, элч Стив Уиткофф нар ахалж байна. Кушнерийн хэлснээр, Абу Дабид дахин хэлэлцээ хийх болсон нь Орос, Украины удирдлагатай тус тусад нь хоёр сар хийсэн сайн яриа хэлэлцээний дүн юм.

АНЭУ улс төр, дипломат шийдэл тогтвортой энх тайвны зам гэж үзэж байгаа юм.