АНУ-ын дипломатч, бизнесийн төлөөлөгчид Туркменистанд зочилж, харилцаагаа гүнзгийрүүлж байна
Туркменистан-Афганистан-Пакистан-Энэтхэгийн хийн хоолойд Вашингтоны дэмжлэгийг мөн хэлэлцжээ.
АНУ-ын Төрийн нарийн бичгийн даргын туслах Пол Капур, АНУ-Туркменистаны бизнесийн зөвлөлийн төлөөлөгчид энэ долоо хоногт Ашхабадад зочилсон гэж Таймс оф Сентрал Эйша сайт мэдээлэв.
Капур 11 дүгээр сарын 3-нд Гадаад хэргийн сайд Рашид Мередовтой уулзаж, бизнесийн харилцаа өргөжүүлэх, хамтын ажиллагааны шинэ боломжийг хэлэлцжээ.
Тэрбээр мөн хуучин ерөнхийлөгч Гурбангулы Бердымухамедовтой уулзсан байна.
Туркменистан Афганистаны Герат мужид хоолой тавих ажилд ахиц гарсан гэж мэдэгдсэн ч төсөл олон жил хойшилж ирсэн юм.
АНУ, Туркменистаны худалдаа харьцангуй бага ч тус улс Каспийн тэнгисийн худалдааны замд оршдог бөгөөд дэлхийн томоохон байгалийн хийн нөөцтэй. Экспорт голчлон Хятад руу чиглэдэг.
/file/attachments/2999/P20-AfricaBird-credit4_528578.jpg)
