АНУ-ын худалдааны комисс Самсунгийн чипийн патентын шалгалтыг зогсоожээ

АНУ-ын Олон улсын худалдааны комисс Самсунг Электроникс болон Америкийн хэд хэдэн технологийн компанид холбогдох патент зөрчлийн шалгалтыг албан ёсоор зогсоосон гэж Ёнхап агентлаг мэдээлжээ.

Шалгалт нь Самсунг, Америкийн Нетлист хоёрын эвлэрлийн дараа хаагдсан байна. Нетлистийн гомдлоор долдугаар сард эхэлсэн энэ шалгалтад динамик санах ойн төхөөрөмжүүд хамрагдаж, Гүүгл, Энвидиа, Бродком, Супер Микро Компьютер хариуцагчаар татагдсан байв.

Хоёр тал наймдугаар сарын 18-нд шалгалтыг зогсоохыг хамтран хүссэн юм.

Тэр сард Самсунг Нетлисттэй таван жилийн гэрээ байгуулж, сервер санах ойн модуль, хиймэл оюун ухааны серверт ашигладаг өндөр зурвасын санах ойн технологи зэрэг патент ашиглах эрх авчээ.

Нетлист 2021 онд Самсунгийг шүүхэд өгсөн бөгөөд Самсунг эдгээр патентыг хүчингүй, өөрийн технологийг өөр гэж маргаж байжээ.