Австраличууд амьжиргаандаа санаа зовж байгаа ч олон соёлт байдлыг дэмжсэн хэвээр байна

Австраличуудын дийлэнх нь цагаачлал, олон соёлт байдлыг дэмжиж байгаа ч улам гутранги болж, засгийн газарт итгэх нь буурч байгааг Сканлон сангийн жил бүрийн тайлан харуулжээ гэж Гардиан сонин мэдээлэв.

Судалгаанд 10,000 гаруй хүн оролцсон бөгөөд нийгмийн эв нэгдлийн индекс 100-аас 78 хэвээр байгаа аж.

Амьжиргааны өртгийг хүмүүсийн 36 хувь гол асуудал гэж нэрлэсэн бол орон сууц 11, бусад эдийн засгийн асуудал 10, цагаачлал 9 хувьтай байна.

Хүмүүсийн 48 хувь Австралийн ирээдүйд гутранги ханддаг бөгөөд энэ үзүүлэлт 2025 онд 43 хувь байжээ.

2024 оноос хойш мусульманчуудад сөрөг ханддаг хүний хувь 33-аас 43, еврейчүүдэд сөрөг ханддаг хүний хувь 13-аас 18 болж өссөн байна.

Гэсэн ч 76 хувь нь олон соёлт байдлыг улсад тустай, 73 хувь нь цагаачдыг эдийн засагт тустай гэж үзэж байгаа юм.

Тайланд дурдсанаар 2025 оны сонгуульд Лейбор, Коалицид санал өгсөн, санхүүгийн хүндрэлтэй хүмүүсийн 47 хувь нь одоо өөр нам дэмжиж байгаа бөгөөд ихэнх нь Ван Нэйшн руу шилжжээ.