Бразилд Санта Клаусын сургуулийн 55 төгсөгч Христ Аврагчийн хөшөөний дор дипломоо авав

Бразилийн Санта Клаусын сургуулийн 55 төгсөгч Мягмар гарагт Рио-де-Жанейрогийн Христ Аврагчийн хөшөөний дор төгсөлтөө тэмдэглэжээ гэж Евроньюс телевиз мэдээлэв.

Улаан хувцас, цагаан сахалтай шинэ Санта нар Корковадо уулын галт тэргээр хөшөө рүү гарч, зул сарын дуу дуулсан байна.

Үнэгүй сургалтад 50 ба түүнээс дээш настай, өөрийн цагаан эсвэл буурал үс, сахалтай эрчүүд хамрагддаг юм.

Нэг сарын турш Мягмар гарагийн үдээс хойш жүжиглэх, дуудлага, нүүр будалт, сахал арчлах, дохионы хэлний хичээл ордог аж.

33 жилийн хугацаанд 1000 гаруй Санта төгссөн бөгөөд олонх нь худалдааны төв, эмнэлэг, үдэшлэгт нэмэлт орлого олдог тэтгэвэрт гарагчид юм.