ДЭМБ Бундибугё вирусын эсрэг хоёр шинэ вакциныг Конгод туршихыг санал болгожээ
Вакцины туршилтын үр дүн 2027 оны эхээр гарах төлөвтэй.
Дэлхийн эрүүл мэндийн байгууллага Бүгд Найрамдах Ардчилсан Конго улсад Эболагийн Бундибугё вирусын эсрэг тусгайлан боловсруулсан хоёр шинэ вакциныг эмнэлзүйн туршилтад хамруулахыг санал болгосныг Премиум Таймс сонин мэдээлжээ.
Эдгээр нь Оксфордын их сургууль Энэтхэгийн Серум хүрээлэнтэй хамтран боловсруулсан вакцин болон Модерна компанийн мРНХ вакцин юм. Эдгээр вакциныг өвчний дэгдэлтийн үеэр анх удаа туршина.
ДЭМБ-ын Ерөнхий захирал Тедрос Гебрейесус вакцин дангаараа дэгдэлтийг зогсоохгүй ч хяналтын арга хэмжээг бэхжүүлж чадна гэжээ.
Туршилтыг Конгогийн Биоанагаахын үндэсний судалгааны хүрээлэн ДЭМБ, Антверпений их сургууль болон бусад олон улсын түншүүдийн дэмжлэгтэйгээр удирдаж байна. Батлагдсан өвчтөнтэй хавьтсан хүмүүсийг вакцинжуулах цагираган аргаар явуулж буй туршилтын хүрээнд дөрвөн цагираг аль хэдийн байгуулжээ.
Мөн өвчтөнүүдийн амьд үлдэх магадлалыг нэмэгдүүлэх эмчилгээний туршилт 7 дугаар сараас явагдаж байгаа бөгөөд эхний үр дүн ирэх саруудад гарах төлөвтэй.
