Демократуудын ялалтын дараа Трампын цэргийн төслүүд зогсож магадгүй гэж Аксиос бичжээ

Ерөнхийлөгч Дональд Трампын цэргийн томоохон төслүүдийг Бүгд найрамдахчууд Конгресст олонхоо алдсаны улмаас зогсоох юм уу царцааж магадгүй байна. Энэ тухай РИА Новости агентлаг Аксиос сайтыг иш татан мэдээлэв.

Эдгээрийн дунд Алтан бөмбөгөр пуужингаас хамгаалах систем, Алтан флот хөтөлбөр багтжээ. «Алтан бөмбөгөр, Алтан флот болон бусад гол санаачилгыг зогсооно» гэж Ти Ди Коуэн судалгааны группын тэмдэглэлд дурдсан байна.

Шинжээчдийн үзэж буйгаар 1.5 их наяд долларын батлан хамгаалах төсөв батлагдах боломж бараг алга. Төсвийг энгийн олонхоор хурдан батлах механизм цаашид ашиглах боломжгүй болсон аж.

«Эдгээр бүх хөтөлбөр аюулд ороод байна» гэж Америкийн аж ахуйн нэгжийн хүрээлэнгийн шинжээч Тодд Харрисон хэлжээ. Цэргийн төсвийн талаар юу ч батлагдахгүй байх магадлал өндөр гэж тэрбээр нэмж хэлсэн байна.

Демократуудын ялалт нь Иран дахь ажиллагааг өргөн хүрээнд шалгах, Пентагоны тэргүүн Пит Хегсетэд импичмент зарлах эрсдэл дагуулж байгааг сайт дурджээ.

Сенатын Төсвийн хорооны дарга Сюзан Коллинз зэрэг Бүгд найрамдах намын гол хууль тогтоогчид суудлаа алдсан нь яамны байдлыг улам хүндрүүлж байгааг Аксиос онцолжээ.

Америкчууд энэ сонгуулиар Төлөөлөгчдийн танхимын 435 гишүүнийг бүгдийг нь, мөн 35 сенаторыг сонгосон юм.