Эндрю Ллойд Уэббер Солонгост анх удаа айлчилна

Дуурийн хий үзэгдэл, Муурнууд мюзиклийг бүтээсэн Британийн хөгжмийн зохиолч Эндрю Ллойд Уэббер энэ сард Солонгост анх удаа албан ёсоор айлчлахыг албаныхан Лхагва гарагт мэдэгджээ. Энэ тухай Корея Таймс сонин мэдээлэв.

Эс энд Ко компанийн мэдээлснээр, Ллойд Уэббер 11 дүгээр сарын 19-нд удахгүй тоглогдох Дуурийн хий үзэгдэл мюзиклийн жүжигчид, продюсеруудтай уулзаж, хэвлэлийн бага хурал хийх юм.

Айлчлал нь 1986 онд Лондонгийн Вест-Эндэд анх тавигдсан уг мюзиклийн 40 жилийн ойтой давхцаж байгаа юм. Мюзиклийг дэлхийн 54 оронд 160 сая орчим хүн үзсэн бол Өмнөд Солонгост 2001 онд анх тавигдсанаас хойш 1.5 сая хүн үзжээ.

Ллойд Уэббер Есүс Христ супер од, Эвита зэрэг алдартай мюзикл бичиж, Эмми, Грэмми, Оскар, Тони шагнал хүртсэн юм. 2024 онд тэрбээр Британийн урлаг, соёлын зүтгэлтнүүдээс анх удаа Гартерийн одонгийн баатраар өргөмжлөгджээ.