Этиопын кофены экспортын орлого 870 сая ам.доллараас давжээ

Этиопын кофены экспортын нийт орлого энэ санхүүгийн жилийн эхний улиралд өмнөх оны мөн үеэс 15 хувиар өсөж, 870 сая гаруй ам.долларт хүрснийг Африканьюс мэдээлжээ.

Этиопын Кофе, цайны газрын мэдээлснээр, Хятад руу экспортолсноос олсон 100 сая гаруй ам.доллар уг өсөлтөд нөлөөлсөн байна.

Этиоп эхний улиралд олон улсын зах зээлд 131000 гаруй тонн кофе нийлүүлж, 878.5 сая ам.доллар олсныг тус газар мэдээлжээ.

Этиоп зөвхөн Хятад руу 15000 гаруй тонн кофе экспортолжээ. Ингэснээр Хятад нь Саудын Араб, Германы дараа орж, Этиопын кофены гурав дахь том зах зээл болсон байна.

Гүйцэтгэл тогтвортой өссөн ч төлөвлөгөөнөөс бага зэрэг дутсаныг тус газар тэмдэглэжээ.

Арабика кофены өлгий нутаг гэгддэг Этиоп бол Африкийн кофе үйлдвэрлэгч, экспортлогч тэргүүлэх орнуудын нэг юм.