Францын парламент 2027 оны төсвийн төслийг санал нэгтэй няцаажээ

Францын Үндэсний Ассамблей Ерөнхий сайд Себастьен Лекорнугийн засгийн газрын боловсруулсан 2027 оны төсвийн төслийг лхагва гарагийн орой санал нэгтэй няцаасан гэж Си Эн Би Си мэдээлэв.

Лекорну 9 дүгээр сард 54 тэрбум еврогийн зардал хэмнэхээр зорьж байгаагаа мэдэгдэж байв. 2024 оны ээлжит бус сонгуулиас хойш парламентад нэг ч нам олонх болоогүй юм.

Шинжээчид засгийн газар Үндсэн хуулийн 49.3 дугаар зүйлийг ашиглах эсвэл төсвийг зарлигаар батлах магадлалтай гэж үзэж байна.

«Хуваагдсан Үндэсний Ассамблей төсвийг ердийн журмаар батлах ямар ч боломж байгаагүй тул энэ санал хураалт үндсэндээ утгагүй» гэж Юрэйжа Групп компанийн Европыг хариуцсан захирал Мужтаба Рахман бичжээ.

Төсвийн алдагдал 2025 онд ДНБ-ий 5.1 хувь, улсын өр 115.6 хувьд хүрсэн аж. Ирэх жил алдагдал 5 хувиас өндөр байх болно гэж Ай Эн Жи банкны эдийн засагч Шарлотт де Монпелье тооцоолжээ.

Франц 9 дүгээр сарын сүүлээс эхэлсэн эсэргүүцлийн улмаас 1 тэрбум еврогоос илүү хохирол амссан гэж үздэг.