Герман, Их Британи хоёр төрлийн алсын тусгалтай пуужин бүтээхээр төлөвлөж байна гэж Политико бичжээ

Герман, Их Британи тусгал нь 2000 км-ээс давах хоёр шинэ төрлийн пуужин хамтран бүтээхээр төлөвлөж байгааг Политико Германы Батлан хамгаалах яамны дотоод баримтыг иш татан бичсэн гэж Ведомости мэдээлжээ.

Лондон агаарын хамгаалалтыг давахаар нам өндөрт нисэх далавчит пуужин бүтээж, эхний хувилбарыг 2032 он гэхэд бэлтгэх юм. Берлин дуунаас хэд дахин хурдан гулсах блоктой гиперсоник пуужинд анхаарч, 2035 он гэхэд ашиглалтад оруулахаар төлөвлөжээ.

Их Британи ирэх дөрвөн жилд пуужингийн технологид 770 сая фунт төсөвлөсөн бол Германы төсвийн баримтад 9 тэрбум еврогоос илүү тусгажээ.

Берлин Европын Эм Би Ди Эй концерн, Герман, Британийн хамтарсан Хайперсоника стартапыг татан оролцуулах боломжийг судалж байна. Блүмберг аравдугаар сарын 23-нд Герман 1 тэрбум еврогоос илүү өртгөөр 1000 Энтем далавчит пуужин худалдан авах яриа хийж байгааг мэдээлсэн юм.

Файнэншл Таймс тавдугаар сарын 23-нд Франц энэ төсөлд нэгдэх сонирхолтой байгаа гэж бичсэн бөгөөд Парис Ариан Групп компанийг оролцуулахыг санал болгосон аж.