Израилийн цохилтоор Газад хүүхэд багтсан найман хүн амиа алдлаа гэж эмнэлгүүд мэдээлжээ

Нэг жилийн өмнөөс гал зогсоолт хүчин төгөлдөр байгаа ч Израилийн цохилтоор Газад хүүхэд багтсан дор хаяж найман хүн амиа алдсан гэж эмнэлгүүдийг иш татан Би Би Си мэдээлжээ.

Газ хотын эмнэлгийн албан тушаалтнуудын мэдээлснээр Аль-Римал хороололд пуужин иргэдийн бүлэг рүү онож, дөрвөн настай хүү багтсан гурван хүн амиа алджээ.

Хан Юнис хотын Аль-Мавасид нисгэгчгүй онгоц цагдаа нарын бүлэг рүү халдаж, 23-53 насны таван цагдаа амиа алдсан гэж Хамасын удирддаг Дотоод хэргийн яам мэдэгдсэн байна.

Израилийн арми цэргийн ажилтнуудыг онилж хоёр удаа цохилт өгсөн гэж мэдэгдсэн ч нотлох баримт болон дэлгэрэнгүй мэдээлэл өгөөгүй байна.

Газын Эрүүл мэндийн яамны мэдээллээр өнгөрсөн аравдугаар сараас хойш 1,580 хүн, дайн эхэлснээс хойш 74,594 хүн амиа алджээ. НҮБ энэ тоог найдвартай гэж үздэг юм.

Дайн 2023 оны аравдугаар сарын 7-нд Хамасын удирдсан халдлагаар эхэлсэн бөгөөд энэ үеэр 1,200 орчим хүн амь үрэгдэж, 251 хүн барьцаалагджээ. Трампын засаг захиргааны зуучилсан энх тайвны төлөвлөгөө зогсонги байдалд ороод байна.