Канадад баавгай дайрсан гэх хэрэгт эх нь нас барж, охин нь алга болжээ

Канадын Бритиш Колумби мужид хүрэн баавгай дайрсан гэх хэргийн улмаас эх нь нас барж, 19 настай охин нь алга болжээ гэж Гардиан сонин мэдээлэв.

Байгаль хамгаалах алба Ням гарагт хайлтын үеэр эхийн цогцсыг олсныг Мягмар гарагт мэдэгдсэн байна. Охины хайлт үргэлжилж байна.

«Энэ эмгэнэлт үед хохирогчдын гэр бүлд бидний сэтгэл зүрх хамт байна» гэж байцаагч Жефф Тайр хэлжээ.

Хэрэг 2,100 орчим хүн амтай Белла Кула нутгаас зүүн зүгт 8 км орчимд орших Снука Вест жимээр болсон аж.

Баавгайг барих ажил эхэлсэн гэж Нуксалк ард түмний удирдагч Сэмюэл Скунер мэдэгдсэн байна.

Энэ мужид хүрэн баавгайн халдлага маш ховор ч өнгөрсөн оны 11 дүгээр сард баавгай сургуулийн бүлэг рүү дайрч 11 хүн гэмтсэн юм. Хамгийн бага нь есөн настай байв. Тэр баавгайг олоогүй аж.