Хиймэл оюун ухаанаар бүтээсэн кино богино бичлэгээс том дэлгэц рүү шилжиж байна

Хиймэл оюун ухаан богино бичлэгээс бүрэн хэмжээний кино руу шилжиж, дахин нэг ийм кино Өмнөд Солонгосын кино театруудад гарах гэж байна гэж Кореа Таймс сонин мэдээлэв.

Бүхэлдээ хиймэл оюун ухаанаар бүтээсэн 138 минутын «Рафаэль» шинжлэх ухааны уран зөгнөлт кино 11 дүгээр сарын 25-нд нээлтээ хийнэ.

Дүрүүдийн гадаад төрх, хөдөлгөөнийг нэгэн жигд байлгахын тулд киног 14 сар засварласан аж.

«Хиймэл оюун ухаан бодит жүжигчдийг орлоход амаргүй» гэж найруулагч Ён Сан Хо хэлсэн байна.

«Бид хиймэл оюун ухааны ирэлтийг хааж чадахгүй бөгөөд сэтгэл хөдлөлийн маргаанаас илүү өөрсдөө нэг хоёр кино хийж ойлгох нь чухал» гэж Хятадын найруулагч Жя Жанкэ Пусаны наадмын семинарт хэлжээ.

Гэсэн ч өмнөх ийм кинонуудын жишээ техникийн шинэлэг байдал дангаараа борлуулалтын амжилт авчрахгүйг харуулсан юм.