Хиймэл оюун ухааны эсрэг хандлага АНУ-ын завсрын сонгуульд нөлөөлөв

Дата төвийн эсрэг сонгогчдын дургүйцэл, хиймэл оюун ухааны хурдасгалыг дэмжигчдийн бүтэлгүйтэл АНУ-ын завсрын сонгуулийн нэг онцлог болжээ гэж Тайм сэтгүүл мэдээлэв.

Эн Би Си телевизийн санал асуулгаар сонгогчдын 56 хувь хиймэл оюун ухаан, дата төвийг Конгрессын сонгуульд чухал буюу гол хүчин зүйл гэж хариулсан байна.

Ардчилсан нам өрсөлдөгчдөө том технологийн компаниудтай ойр гэж шүүмжилсэн сурталчилгаанд 100 сая гаруй ам.доллар зарцуулжээ.

Илон Маск 446 сая ам.доллартайгаар хамгийн том хандивлагч болсон ч түүний дэмжсэн Кен Пакстон Техаст ялагдсан юм.

Аюулгүй байдлыг дэмжигч бүлгүүд ч том хөрөнгөтэй байв. Антропик компани Паблик Фёрст Экшн байгууллагад 40 сая гаруй ам.доллар хандивласан ч энэ мөнгийг сонгуулийн үйл ажиллагаанд ашиглахыг хориглосон бөгөөд компанийн ажилтнууд тусад нь 5 сая ам.доллар хандивласан гэж сэтгүүл бичжээ.

Холбооны түвшний өргөн хүрээтэй зохицуулалт удахгүй гарах магадлал бага бөгөөд хориг давахад Бүгд найрамдах намын дэмжлэг шаардлагатай аж.

Блю Роуз Рисёрч компанийн судалгаагаар хиймэл оюун ухаан одоогоор 39 асуудлын 29-д бичигдэж байгаа ч сүүлийн нэг жилд ач холбогдол нь хамгийн хурдан өссөн байна.