Холбооны мөрдөх товчоо АНУ-ын Конгрессын гишүүн асан Эрик Свалвеллтэй холбоотой Калифорни дахь байшинд нэгжлэг хийжээ

АНУ-ын Холбооны мөрдөх товчооны ажилтнууд Конгрессын гишүүн асан Эрик Свалвеллтэй холбоотой мөрдөн байцаалтын хүрээнд Калифорни дахь нэгэн байшинд нэгжлэг хийсэн гэж АНУ-ын хэвлэлүүд мэдээлжээ. Энэ тухай Би Би Си мэдээлэв.

45 настай Свалвелл албан тушаал хашиж байхдаа бэлгийн зохисгүй үйлдэл гаргасан гэх буруутгал гарсны дараа энэ оны эхээр Калифорнийн захирагчийн сонгуулиас татгалзаж, Төлөөлөгчдийн танхим дахь суудлаа өгсөн юм. 8 дугаар сард Холбооны мөрдөх товчоо Ардчилсан намын хууль тогтоогч асныг нисэх онгоцны буудал дээр саатуулж, электрон төхөөрөмжийг нь хурааж, эдгээр буруутгалыг шалгах хүрээнд Вашингтон дахь гэрт нь нэгжлэг хийсэн байна.

Свалвеллийг олон эмэгтэй буруутгаж байгаа бөгөөд тэдний дунд хариу үйлдэл үзүүлэх чадваргүй болтлоо согтсон нэг хохирогчийг хүчиндсэн, эмэгтэйчүүдэд хүсээгүй нүцгэн зураг илгээсэн гэх буруутгал бий.

Свалвелл өмнө нь ямар нэг буруу зүйл хийснээ үгүйсгэж байсан бөгөөд өмгөөлөгч Сара Азари буруутгалууд анх гарах үед тэдгээрийг зохиомол гэж нэрлэсэн юм. «Эдгээр буруутгал худал, зохиомол бөгөөд гүнзгий доромжилсон, тооцоолсон, ил тод улс төрийн дайралт» гэж Азари хэлж байжээ. Би Би Си Свалвеллийн өмгөөлөгч болон Хууль зүйн яамнаас тайлбар авахаар хандсан бөгөөд одоогоор хариу аваагүй байна.