Хонконгт түүхэн дэх хамгийн халуун 10 дугаар сар бүртгэгджээ
Сарын дундаж температур 27.6°C хүрч, өнгөрсөн жил тогтоосон дээд амжилтыг давжээ.
Хонконг цаг уурын бүртгэл эхэлснээс хойших хамгийн халуун 10 дугаар сарыг өнгөрүүлжээ гэж Си Эн Эй сайт Хонконгийн Ажиглалтын төвийн мэдээг иш татан 11 дүгээр сарын 3-нд мэдээлэв.
Ажиглалтын төвийн бүртгэлээр сарын дундаж температур 27.6°C болж, өнгөрсөн жилийн мөн үеийн дээд амжилтаас 0.2°C-аар давсан байна.
Энэ оны онцгой хүчтэй Эль-Ниньо дэлхий даяар агаарын температурыг өсгөж байна. Энэ нь ажиглагдсан хамгийн хүчтэй нь болох магадлалтай гэж дэлхийн цаг уурын байгууллагууд хэдэн сарын турш анхааруулсаар ирсэн юм.
Эль-Ниньо бол байгалийн уур амьсгалын мөчлөгийн дулаарах үе бөгөөд Номхон далайн халуун бүсийн усны температурыг түр хугацаанд өсгөдөг. Ингэснээр цаг агаарт өөрчлөлт гарч, ган, үерийн эрсдэл нэмэгдэж, хүний үйл ажиллагаанаас үүдэлтэй дэлхийн дулаарал улам хурцдаж болдог.
Хонконгт 8 дугаар сард Дольфин хар салхи халуун агаар түрж, түүхэн дээд 36.9°C бүртгэгджээ.
Тус хот цаг агаарын ажиглалтыг 1884 оноос эхэлсэн юм.
