Хятад гадаад дахь уурхайн хувьцаагаа нэмэгдүүлж, чухал ашигт малтмалын хяналтаа чангатгаж байна

Хятад төрийн холбоотой компаниудаа дайчлан гадаад дахь уурхайнуудад илүү том хувьцаа эзэмшүүлж, чухал ашигт малтмалын нийлүүлэлтэд нөлөөгөө нэмэгдүүлж байна гэж Си Эн Би Си мэдээлэв.

Родиум Групп компанийн тайланд дурдсанаар Хятадын гадаад дахь ашигт малтмалын худалдан авалт энэ оны эхний гурван улиралд 8.8 тэрбум ам.долларт хүрсэн нь 2018 оноос хойшхи хамгийн өндөр жилийн дүн юм.

4 дүгээр сард төрийн өмчит компаниудын гадаад хөрөнгө оруулалтыг хариуцах товчоо, 7 дугаар сард уурхайн хөрөнгө оруулалтын байгууллага байгуулжээ.

Бээжин импортын хамаарлын 70 хувийг далд улаан шугам гэж үздэг тул зэс, лити, кобальт, никель, боксит, төмрийн хүдрийн нийлүүлэлтийг гадаадаас нэмэгдүүлэхийг зорьж байна гэж Евразия компанийн Хятадын захирал Дэн Ван хэлсэн байна.

Олон улсын эрчим хүчний агентлагийн мэдээллээр дэлхийн цэвэршүүлсэн газрын ховор элементийн 92 орчим хувийг Хятад үйлдвэрлэдэг. Хятадын экспортын хязгаарлалтаас Япон хамгийн их хохирсон улсын нэг аж.

Гэтэл хүдрийг дотооддоо боловсруулахыг шаардах орнууд нэмэгдсээр байна.

Индонезийн никелийн хүдрийн экспортын хоригийн дараа Хятадын компаниуд тус улсад хайлуулах, цэвэршүүлэх хүчин чадал барьж байгаа юм.