Хятадын баруун өмнөд хэсгийг Вьетнамтай холбосон шинэ ачааны чиглэл нээгджээ

Хятадын Юньнань мужийн Вэньшань хотыг Вьетнамын Туйен Куанг мужтай холбосон хил дамнасан ачааны машины хоёр чиглэл лхагва гарагт ажиллаж эхэлснээр Куньмин, Вэньшаниас гарсан бараа хил дээр өөр машинд шилжүүлэлгүйгээр Вьетнамын дотоод нутаг руу хүрэх боломжтой боллоо.

Шинэ чиглэлүүд Вэньшаниас Хятадын Тяньбао боомт, Вьетнамын Тхань Тхуй хилийн боомтоор дамжин Ха Жианг хүртэл явах бөгөөд тэдгээрийн нэг нь Туйен Куанг хүртэл үргэлжилнэ.

Чиглэлүүд ачааг хил дамнан нэг чингэлгээр тээвэрлэх бөгөөд машинууд очихдоо ч, буцахдаа ч ачаа тээвэрлэх боломжтой.

“Нэг машин нэг талдаа 1500 юань орчим зардал хэмнэж байна” гэж Вэньшанийн бизнес эрхлэгчдийн төлөөлөгч Тянь Хуэй хэлэв. Энэ нь 225 орчим ам.доллартай тэнцэнэ.

Шууд чиглэлээр явахад нэг талдаа гурав гаруй цаг хэмнэдэг гэж жолооч Ло Линь ярилаа. Өмнө нь машинууд Вьетнамд ачаа хүргээд ихэвчлэн хоосон буцдаг байсан бол одоо хоёр тийшээ ачаа тээвэрлэж, жолооч нарын орлого нэмэгдэж байна.

Юньнань мужийн зүүн өмнөд хэсэгт Вьетнамтай хиллэдэг Вэньшань хот нь Хятад улс Вьетнам болон Зүүн өмнөд Азийн бусад оронтой худалдаа хийх гол гарц юм.