Кристис Абу-Дабид анхны дуудлага худалдаагаараа 8.94 сая ам.доллар олжээ

Кристис дуудлага худалдааны газар ням гарагт Абу-Дабид зохион байгуулсан анхны дүрслэх урлагийн дуудлага худалдаагаараа 8.94 сая ам.доллар цуглуулсан нь Ойрх Дорнодын орчин үеийн урлагийн оройн худалдаанд сүүлийн арав гаруй жилийн дээд дүн гэж Зе Нэшнл сонин мэдээлжээ.

Кристис 2006 онд Дубайд анхны дуудлага худалдаагаа хийснээс хойш 20 жилийн ойд зориулсан энэ арга хэмжээнд 13 орны 58 зураачийн 70 бүтээл тавигдсан байна.

Хамгийн өндөр үнэд Ираны зураач Монир Шахруди Фарманфармаяны 2006 оны бүтээл хүрч, 150,000-250,000 ам.долларын үнэлгээтэй байснаа 844,800 ам.доллараар зарагджээ.

Туркийн зураач Фахрелнисса Зейдийн бүтээл 524,800 ам.доллараар зарагдсан бол Палестины зураач Самиа Халабигийн бүтээл 358,400 ам.доллар болжээ.

Дуудлага худалдааны газрын мэдээлснээр есөн дээд амжилт шинэчлэгдсэн бөгөөд бүртгүүлэгчдийн 37 хувь нь Кристисийн шинэ үйлчлүүлэгчид юм.