Квадын сайд нар эдийн засгийн дарамт шахалтад ноцтой санаа зовж буйгаа илэрхийлэв

АНУ, Энэтхэг, Япон, Австралийн Гадаад хэргийн сайд нар 10 дугаар сарын 31-нд буюу Бямба гарагт экспортын хязгаарлалт, хэт үйлдвэрлэлд хүргэдэг практик зэрэг эдийн засгийн дарамт шахалтад ноцтой санаа зовж байгаагаа хамтран илэрхийлжээ гэж Зэ Хинду сонин мэдээлжээ.

«Дөрвөн сайд дур зоргоороо тогтоосон экспортын хязгаарлалт зэргээр эдийн засгийн дарамт шахалт үзүүлж байгаад ноцтой санаа зовж байгаагаа илэрхийлэв» гэж Атланта хотод гаргасан Квадын мэдэгдэлд дурджээ.

Ази, Номхон далайн бүс нутагт Хятадын нөлөөг тэнцвэржүүлэгч гэж үздэг тус бүлэг дэлхийн нийлүүлэлтийн сүлжээг алдагдуулдаг илүүдэл хүчин чадалд хүргэдэг зах зээлийн бус бодлого, практикийг ч шүүмжилжээ. Энэ нь Бээжингийн газрын ховор элементийн экспортын хатуу хяналтыг ч мөн илэрхийлсэн бололтой.

Бүлэг мөн далайн чухал замууд, худалдааны тасралтгүй урсгал, эрчим хүчний аюулгүй байдал, хураамж тогтоолгүйгээр далайчид, хөлөг онгоцны саадгүй, аюулгүй нэвтрэх эрхийн ач холбогдлыг хүлээн зөвшөөрчээ. Хормузын хоолой, Улаан тэнгис, Баб-эль-Мандебын хоолойд усан замын эрх, эрх чөлөөг хамгаалах зайлшгүй шаардлагатай гэж сайд нар онцолсон байна.

Сайд нарын уулзалт АНУ-ын Төрийн нарийн бичгийн дарга Марко Рубиогийн зохион байгуулсан G20-ийн уулзалтын үеэр Бямба гарагийн өглөө болжээ. Хятад Квадыг сэжигтэй хардаг бөгөөд илүүдэл хүчин чадлын тухай буруутгалыг няцааж ирсэн юм.