Матвиенко Буриадад ажлын айлчлал хийхээр хүрэлцэн ирэв

ОХУ-ын Холбооны зөвлөлийн дарга Валентина Матвиенко Буриад улсад ажлын айлчлалаар хүрэлцэн иржээ гэж Интерфакс агентлаг мэдээлэв.

Тэрбээр бүс нутгийн удирдлагатай уулзаж, эмнэлгүүдээр орж, Ард түмний эв нэгдлийн өдрийн ёслолд оролцоно.

Хөтөлбөрт Ростех корпорацийн гэмтэл, согог судлалын инновацын төвийн Алс Дорнодын холбооны тойрог дахь анхны салбар багтжээ. Өндөр технологийн протез шаардлагатай дайчдад зориулсан төвийг байгуулах гэрээнд 2025 оны 12 дугаар сард гарын үсэг зурсан аж.

Матвиенко Ангаповын нэрэмжит Бүгд найрамдах улсын яаралтай тусламжийн эмнэлгийн шинэ хүлээн авах тасаг, дорнын анагаах ухааны нөхөн сэргээх төвтэй ч танилцах юм.

Буриадын тэргүүн Алексей Цыденовтой хийх уулзалтаар нийгэм, эдийн засгийн хөгжил, аж үйлдвэр, хөдөө аж ахуй, хөрөнгө оруулалтын асуудлыг хэлэлцэнэ.

Айлчлалын үеэр Бестужевын нэрэмжит Оросын драмын театрт очиж, Буриадад амьдардаг ард түмний ёс заншилтай танилцаад, баярын хурал дээр үг хэлэхээр төлөвлөжээ.